Baitul Ma'arif || Darul Ifta

عبادات / نماز

India

سوال # : 1090

کیا فرماتے ہیں مفتیان کرام مسئلہ ذیل کے بارے میں، 
ہمارے قصبہ میں بعض لوگ شبِ برات میں صلوۃ الستبیح کی نماز باجماعت ادا کرنے کا اعلان شائع کر رہے ہیں، دریافت یہ کرنا ہے کہ کیا نفل نماز باجماعت ادا کرنے کا جواز ہے.  مدلل جواب عنایت فرمائیں.

Published On : Mar 28, 2021

جواب : 1090

بسم الله الرحمن الرحيم

الجواب وباللہ التوفیق

صلاة التسبیح کی احادیث مبارکہ میں بڑی فضیلت آئی ہے، اور حضرت نبی کریم صلی اللہ علیہ وسلم نے بعض صحابہ کو اہمیت کے ساتھ اس کی ترغیب فرمائی ہے لیکن خود حضرت نبی کریم صلی اللہ علیہ وسلم، صحابہٴ کرام رضی اللہ عنہم اور تابعین وتبع تابعین سے صلوة التراویح، صلوة الکسوف اور صلاة الاستسقاء کے علاوہ کسی نفل نماز کا باجماعت اہتمام ثابت نہیں ہے،اسی وجہ سےحضراتِ حنفیہ کے نزدیک مذکورہ تین نمازوں کے علاوہ صلوة التسبیح یادیگر کسی بھی نفل نماز کو جماعت کے ساتھ پڑھنا جس میں مقتدی کی تعداد تین سے زائد ہو، راحج قول کے مطابق مکروہِ تحریمی ہے، لہذا صلوة التسبیح کی نماز انفراداً ہی ادا کرنا چاہئے، اور اگر جماعت کے ساتھ پڑھ رہے ہیں تو اس میں اس بات کا اہتمام ضروری ہے کہ باقاعدہ جماعت کا اہتمام و اعلان نہ ہو اور اس طرح اگر ایک یا دو لوگ آکر جماعت میں شامل ہو جائیں تو یہ جائز ہے اور اگر امام کے علاوہ تین مقتدی ہو گئے تو اس صورت میں مکروہ ہونے یا نہ ہونے میں اختلاف ہے لیکن اگر مقتدی تین سے زائد شامل ہو گئے تو یہ تداعی کے ساتھ نوافل کی جماعت ہوگی جو کہ مکروہِ تحریمی ہے،
'' بدائع الصنائع'' میں ہے:
و منھا: ان الجماعۃ فی التطوع لیست بسنۃ الا فی قیام رمضان، (2/21)
ولا یصلی التطوع بجماعۃ الا فی رمضان،و عن شمس الائمۃ السرخسی: ان التطوع بالجماعۃانما یکرہ اذا کان علیٰ سبیل التداعی،اما لو کان واحد او اثنان بواحد لا یکرہ، واذا اقتدی ثلاثۃ بواحد اختلف فیہ،وان اقتدیٰ اربعۃ بواحدکرہ اتفاقا،(اعلاء السنن، 7/93)

واللہ اعلم بالصواب

دارالافتاء
بیت المعارف خیرآباد
( اودھ)

بسم الله الرحمن الرحيم

Home

Services

Stay Updated

Your Opinion / Message